வெள்ளத்தால் பாதிக்கப்பட்டவர்களை வீட்டில் தங்க வைத்த ஆனந்த் குடும்பம்

சென்னை

சென்னையில் வெள்ளத்தால் பாதிக்கப்பட்டவர்களுக்கு, செஸ் வீரர் விஸ்வநாதன் ஆனந்தின் குடும்பத்தினர் ஆதரவு கரம் நீட்டியுள்ளனர். ஆனந்த் வீடு, ராஜா அண்ணாமலைபுரத்தில் அமைந்துள்ளது. மழை வெள்ளம் சூழ்ந்ததால், அருகில் உள்ள குழந்தைகள் உள்பட 14 குடிசைவாசிகள் ஆனந்தின் வீட்டில் தஞ்சமடைந்தனர். அவர்களுக்கு அடைக்காலம் கொடுத்த ஆனந்த் குடும்பத்தினர், உணவு, உடைகள் வழங்கி உதவினர். இரண்டு நாட்கள் அங்கேயே தங்கிருந்த அவர்கள், தண்ணீர் வடிந்ததும் தங்களது வீடுகளுக்கு திரும்பினர். ‘‘மற்றவர்கள் செய்யும் நிவாரண பணிகளை பார்க்கும் போது, இது மிகச்சிறிய உதவியே’’ என்று ஆனந்தின் மனைவி அருணா குறிப்பிட்டார்.