மாநில கூடைப்பந்து போட்டி; சென்னையில் நடக்கிறது

சென்னை,

காஞ்சீபுரம் மாவட்ட கூடைப்பந்து சங்கம் சார்பில் மாநில கூடைப்பந்து சாம்பியன்ஷிப் போட்டி (சென்னை மண்டலம்) சென்னை நேரு உள்விளையாட்டு அரங்க வளாகத்தில் வருகிற 18-ந் தேதி முதல் 20-ந் தேதி வரை நடக்கிறது. இந்த போட்டியில் சென்னை, திருவள்ளூர், காஞ்சீபுரம், விழுப்புரம், வேலூர், திருவண்ணாமலை, கடலூர் ஆகிய மாவட்டங்களை சேர்ந்த அணிகள் கலந்து கொள்ள முடியும். இந்த போட்டியில் கலந்து கொள்ள விரும்பும் அணிகள் நாளைக்குள் (செவ்வாய்கிழமை), காஞ்சீபுரம் மாவட்ட கூடைப்பந்து சங்கம், 49. சூளை ஆதிமூலம் தெரு, பெரிய நாதம், செங்கல்பட்டு-2 என்ற முகவரியில் தங்கள் பெயரை பதிவு செய்யலாம் என்று காஞ்சீபுரம் மாவட்ட கூடைப்பந்து சங்க தலைவர் பார்வேந்தன் தெரிவித்துள்ளார்.